Kərim Benzemanın “Əl-İttihad”ı tərk edəcəyi haqda şayiələr səngimir.

"Football-plus.az" xəbər verir ki, onun indi də “Real”a qayıdacağı iddia edilir.

Bir neçə gün əvvəl Kərimin “Lion”a və ya “Çelsi”yə keçəcəyi haqda variantlar ortaya atılmışdı. Qardaşı fransalı hücumçu ilə bağlı yayılan son xəbərlərə münasibət bildirib. O, insayder Fabritsio Romanoya açıqlama verərək həmin məlumatları “saxta xəbərlər” adlandırıb. Bəzi mənbələr “Real”in baş məşqçisi Karlo Ançelottinin Kərimi geri qaytarmaqda çox maraqlı olduğunu vurğulamışdı.

Xatırladaq ki, Benzema “Əl-İttihad”a ötən yay azad agent kimi keçib. Bu mövsüm forvard bütün turnirlərdə 24 oyuna çıxıb, 15 qol vurub və 5 məhsuldar ötürmə edib. Futbolçunun Səudiyyə Ərəbistanı klubu ilə müqaviləsinin müddəti 2026-cı ilin iyununun sonuna qədərdi.