Kərim Benzemanın gələcək taleyinə nəhayət, aydınlıq gəldi. Son günlərdə onun ''Real''ı tərk edəcəyi ilə bağlı şaiyələr səngimirdi.

"Football-plus.az" xəbər verir ki, bu şaiyələr təsdiqini tapdı. Bu gün Madrid nəhəngi rəsmi şəkildə məhşur fransalı forvardın mövsümün sonunda klubu tərk edəcəyini açıqladı. Böyük ehtimalla 35 yaşlı hücumçu karyerasını Səudiyyə Ərəbistanında davam etdirəcək. Onun ''Əl-İttihad'' ilə ikiillik anlaşma əldə etdiyi deyilir. Xatırladaq ki, Benzema 2009-dan ''Real''ın şərəfini qoruyurdu. O, bu müddətdə 25 titulla yanaşı ''Qızıl top''u da qazanmağı bacardı. Ümumilikdə Kərim ''Real''ın heyətində 643 rəsmi oyunda 353 qol, 165 məhsuldar ötürməlik mükəmməl performans sərgilədi. Məhsuldar ötürmə sayına görə o, klub tarixinin ən yaxşısıdısa, qol sayına görə yalnız Kriştiano Ronaldodan (450) geri qalır. ''Real'' iyunun 6-da prezident Florentino Peresin də iştirakı ilə Benzema üçün görkəmli vida mərasimi keçirəcək.