“Təftiş komissiyamız Sumqayıt şəhər stadionuna bir neçə dəfə baxış keçirib. Yəni biz hər dəfə yeni görülən işlərlə tanış olmuşuq və başqa tapşırıqlarla bağlı göstərişlər verilib. Sevindirici haldı ki, “Sumqayıt” PFL-in təlimatlarını yerinə yetirib. Çatışmazlıqlar klub tərəfindən yoluna qoyulub. Təsadüfi deyil ki, biz artıq təftişdən sonra “Sumqayıt”a stadionda oyun keçirməyə icazəsi vermişik. Bildiyiniz kimi, fevralın 4-də həmin stadionda açılış matçı nəzərdə tutulub. Hazırda yeganə problem işıqlandırma sistemiylə bağlıdı. Bununla bağlı lazım olan məlumatlar kluba verilib. Hazırda da bunun üzərində çalışırlar. Bizə verilən yekun məlumata görə, ən qısa zamanda işıqlandırma sistemində olan nöqsanlar aradan qaldırılacaq”.