Zinəddin Zidan ilə bağlı şayilər yenidən baş qaldırıb. Görünən odu ki, fransalı mütəxəssis karyerasını tezliklə bərpa etmək niyyətindədi.

"Football-plus.az"ın məlumatına görə, İspaniya mənbələri onun “Real”ın baş məşqçi vəzifəsinə qayıda biləcəyini xəbər verir.

İddiaya görə, o, bunun üçün Madrid klubunun qarşısına iki tələb qoyub. Zidan “Real”dan fiziki hazırlıq üzrə məşqçi Qreqori Düponun məşqçilər korpusuna daxil edilməsini istəyib.

O, həmçinin, belçikalı futbolçu Eden Azarın “Real”da qalmasını vacib bilir. Xatırladaq ki, Zidan “kral klubu”nu daha əvvəl iki dəfə - 2016-18 və 2019-21-ci illərdə çalışdırıb.
Amma “La Source Parisienne” nəşrinin iddiasına inansaq, Zidan son həftələr ingilis dilini öyrənməklə məşğuldu. Bu mənbə fransalı mütəxəssisin əsas məqsədinin “Çelsi”ni çalışdırmaq olduğunu da qeyd edib.