Türkiyə kubokunda 1/8 final mərhələsinin püşkü atılıb.

Qeyd edək ki, bu mərhələdə qalib bir oyunla bəlli olacaq. Fevralın 6-8-nə nəzərdə tutulan oyunlar adı birinci göstərilən komandaların meydanında keçiriləcək. Yoluna davam edən 16 komandadan 13-ü superliqa, 2-si 1-ci liqa, 1-i isə 2-ci liqa təmsilçisidi:

Sivasspor – Konyaspor, İstanbul BŞ – Hatayspor, Gənclərbirliyi – Trabzonspor, Alanyaspor – Beşiktaş, Fatih Karagümrük – Samsunspor, Ankaragücü – 24Ərzincanspor, Qalatasaray – Bandırmaspor, Qaziantep – Fənərbaxça.

Göründüyü kimi 2-ci liqanın yeganə təmsilçisi “24Ərzincanspor” “Ankaragücü”nün qonağı olacaq. “Fənərbaxça” Antepə yollanacaq. Bir müddət öncə “Fənər” superliqa çərçivəsində səfərdə “Qaziantep”i çox çətinliklə məğlub etmişdi. “Qalatasaray” fanatları önündə 1-ci liqa təmsilçisi “Bandırmaspor”u qəbul edəcək. Təcrübəli Hüseyn Eroğlunun çalışdırdığı “Bandırmaspor” bundan əvvəlki mərhələdə səfərdə oynamasına rəğmən, sürpriz şəkildə superliqa təmsilçisi “Kasımpaşa”nı mübarizədən kənarlaşdırıb.