Aleksandr Letelye şok yaşayıb. PSJ-nin qapıçısının evi yarılıb.

“Football-plus.az” xəbər verir ki, “RMC Sport”un məlumatına görə, hadisə zamanı futbolçu və ailəsi evdə olublar. Dörd qarətçi gecə saatlarında evə daxil olub, Aleksandrı və ailəsini bıçaqla hədələyib. Onlar qızıl-zinət əşyaları və pul tələb ediblər. Cinayətkarlar hətta futbolçunun həyat yoldaşını yaralayıblar. Yaxşı ki, ailə üzvlərindən biri polisə zəng etməyi bacarıb. Nəticədə qarətçilərdən üçü həbs edilib.

Saxlanılanlardan ikisinin yetkinlik yaşına çatmayan olduğu üzə çıxıb.