Yaxın gələcəkdə müasir futbolun iki məşhur bombardiri eyni komandada çıxış edə bilər. Bu qeyri-adi plan “Real”a məxsusdu.

"Football-plus.az" xəbər verir ki, “Mançester Siti”nin hücumçusu Erlinq Holannnın İspaniya klubuna keçə biləcəyini “Fooball Espana” xəbər verib. Bu mənbənin məlumatına görə, norveçli futbolçunun müqaviləsində 100 milyon avro əvəzində İngiltərə xaricində hər hansı bir kluba transfer oluna biləcəyi ilə bağlı bənd var. 23 yaşlı forvardın bu məbləğə layiq olduğunu düşünən Madrid klubunun rəhbərliyi Holanna görə 100 milyon avro ödəməyə hazırdı. Qeyd edək ki, İngiltərənin bir sıra klubları da norveçli futbolçu ilə maraqlanırlar. Lakin müqavilədəki şərtə əsasən, premyer-liqa təmsilçiləri bu transfer üçün MS-yə 200 milyon avro ödəməlidilər. Bu səbəbdən Erlinqin İngiltərənin digər klublarına yox, məhz “Real”a keçəcəyi gözlənilir.

Məlum olduğu kimi, İspaniya nəhəngi Kilian Mbappeni də sıralarına cəlb etməyi planlaşdırır. Mbappenin PSJ ilə müqaviləsinin müddətinin yayda başa çatacağı onun “kral klubu”na azad agent kimi keçəcəyinə işarədi. Bu variant isə “Real”ın Holannın transferini həyata keçirmək planını asanlaşdırır.
Yeri gəlmişkən, Erlinq bu mövsüm premyer-liqada meydana çıxdığı 15 oyunda 14 qol vurub və 4 məhsuldar ötürmə verib. Kilian isə Fransa Liqa 1-də keçirdiyi 16 oyunda 18 qolun və 2 məhsuldar ötürmənin müəllifi olub.