“Transfermarkt” internet portalı bazar qiymətlərinin yenilənməsindən sonra dünyanın ən bahalı futbolçularının siyahısını təqdim edib.

"Football-plus.az" xəbər verir ki, siyahıya birdən-birə üç futbolçu başçılıq edir.

“Real”ın ingiltərəli yarımmüdafiəçisi Cud Bellingem, “Mançester Siti”nin norveçli hücumçusu Erlinq Holann və PSJ-nin fransalı forvardı Kilian Mbappenin qiyməti 180 milyon avro dəyərindədi. İlk “10-luğ”a Vinisius Junior (“Real”, 150 milyon avro), Bukayo Saka (“Arsenal”, 120 milyon avro), Camal Musiala (“Bavariya”, 110 milyon avro), Filip Foden (“Mançester Siti”, 110 milyon avro), Viktor Osimhen (“Napoli”, 110 milyon avro), Deklan Rays (“Arsenal”, 110 milyon avro) və Lautaro Martines (“İnter”, 110 milyon avro) də düşüb.