Bununla da İmişli təmsilçisi qrupda liderliyə yüksəldi. Bölgə təmsilçisinin təcrübəli kapitanı Nicat Gülməmmədov uğurlu çıxışla bağlı "Football-plus.az" saytına bunları dedi:
"Çox sevindirici haldı ki, İmişlinin həm 1-ci, həm 2-ci, həm də Region Liqasında təmsilçisi var. 2-ci belə bölgə yoxdu ki, hər çempionatda komandası olsun. Rayonumuzda futbola maraq bizi sevindirir. Vaxtilə premyer-liqada mübarizə aparan, hətta avrokuboklarda çıxış edən "MKT-Araz"ımız vardı. Bu gün təşkil etdiyimiz "Araz"da da tarixə qovuşmuş komandamızın futbolçuları yerə alır. Heyətimizdə olan 4-5 oyunçu vaxtilə "MKT-Araz"da oynayıb, qalanları isə gənclərdi. Şükürlər olsun ki, döyüşkən komanda yarada bilmişik. Məqsədimiz maksimum irəli getməkdi. Hazırda qrup lideriyik. Bu üstünlüyümüzü davam etdirməklə qərarlıyıq".
ABDULLA İSMAYILOĞLU
