"Bu məsələyə bir neçə prizmadan yanaşmaq lazımdı. Birincisi, söhbət futbolun populyarlaşmasından, uşaqların, yeniyetmələrin və gənclərin futbola marağının artırmasından gedirsə, çox şadıq ki, İmişlidə “idmanın şahı”na maraq gündən-günə maraq artır. Ona görə də həm 1-ci, həm 2-ci, həm də Region Liqasında rayonumuzun təmsilçilərinin olmasına çox sevinirik. İkincisi, məsələyə peşəkarlıq pəncərəsindən yanaşsaq, istənilən klubu yaratmaq, inkişaf etdirmək və yüksək pillələrə daşımaq üçün yaxşı malliyə imkanın, stadionun, bazan, infrastrukturun və s. olmalıdı. Ötən mövsüm komandamızın nə qədər əzab-əziyyət çəkdiyini gördüz. Şükürlər olsun, bu mövsümdən sponsor tapdıq, AFFA-dan da maliyyə dəstəyi alırıq deyə, işimiz bir qədər asanlaşıb. Amma buna rəğmən, hələ sıxıntı çoxdu. Elə götürək stadionumuzu. Oranın hələ 1-ci liqanın tələblərinə cavab verməsini təmin etmək üçün uzun müddətdi çalışırıq. Heç stadionumuzda doğru-dürüst məşq də keçə bilmirik. Ötən mövsümü və bu mövsüm ev oyunlarımızı Saatılının stadionunda keçirdik. Şükürlər olsun ki, "İrəvan"la oyunu doğma meydanda keçirə biləcəyik. İndi düşünün, İmişlinin üç təmsilçisi və bizim komandanın 5 yaş qrupu bir stadionda məşq edir, oynayır. Bu qədər yüklənməyə stadion tap gətirə bilməz. Ona görə də təmsilçisi çox olan bölgədə bir neçə stadion və hər stadionun da ehtiyat meydançası olmalıdı. Klublar minimum tələbləri ödəməklə yanaşı, özlərinin maliyyə dəstəyi də olmalıdı.

Sözüm odu ki, hər klub günbəgün peşəkarlaşmalıdı. Nəhayət, üç məqam da var. Bilirik ki, tək İmişlidə yox, bütün ölkə futbolunda oyunçu qıtlığı var. Belə şəraitdə yaradılan komandalara futbolçu tapmaq çox çətindi. Hətta Region Liqası üçün və digər həvəskar turnirlərdə komanda yaradanda belə, perspektivli gənclərə və təcrübəli oyunçura ehtiyac olur. Amma futbolçu qıtlığıdı. Halbuki Region Liqasında oynayan 17-18 yaşlı oyunçu 2-3 il inkişaf etdikdən sonra yuxarı liqalara keçid etməlidi. Odu ki, futbolçu kasadlığı olduğu halda, ad xatirinə komanda yaratmışıq düşüncəsini qəbul etmirəm”.