Region Liqasında çıxış edən bu klub divizionda çıxış etməyə hazırdı - AÇIQLAMA
AFFA İcraiyyə Komitəsinin martın 7-də keçirilən iclasında vacib qərarlar qəbul olundu. Belə ki, 2023/24 mövsümündə 1-ci divizionda əvəzedici komandaların çıxışına icazə verilməyəcək. Yarışda müstəqil komandalar iştirak edəcək və Region Liqası təmsilçilərinin hesabına say 10-a çatdırılacaq. Əvəzedicilərin çempionatı isə ayrı olacaq. Həmçinin divizion təmsilçilərinin hərəsinə AFFA 300 min manat yardım edəcək.
"Football-plus.az" olaraq bununla bağlı Region Liqasında mübarizə aparan “Karvan”ın çalışdırıcısı Kənan Kərimovun fikirlərini öyrəndik:
"Federasiyanın son qərarlarını alqışlayırıq. Sevindirici haldı ki, divizionda müstəqil komandalar təmsil olunacaq və say artacaq. "Karvan"ın adının hallanması xoşdu. Amma ortada rəsmi heç nə yoxdu. Biz divizionda çıxış etməyə hazırıq, müvafiq sənədləri də göndərmişik. Hazırda müraciətimizə cavab gözləyirik. Ümumiyyətlə, divizion və premyer-liqada bölgə komandalarının sayı artsa, futbolumuz bir o qədər qazanacaq".
Digər xəbərlər
