Fernando Diniz Braziliya millisinin baş məşqçi vəzifəsindən azad edilib.

"Football-plus.az" xəbər verir ki, yerli mənbələrin məlumatına görə, onunla bağlı qərarı Braziliya Futbol Konfederasiyasının prezidenti Ednaldo Rodriges verib. Qeyd edək ki, Diniz son aylar həm də “Fluminense”nin baş məşqçisi idi.

Diniz milli komandanı ötən ilin iyul ayından çalışdırırdı. Yığma 49 yaşlı mütəxəssisin rəhbərliyi altında 6 oyun keçirib. Bu oyunların hamısı DÇ-2026-nın seçmə mərhələsi çərçivəsində baş tutub. Braziliya bu matçlarda iki dəfə qalib gəlib, bir dəfə heç-heçə edib, üç oyunda uduzub.