“Günorta saatlarında xəstəxanamıza altı nəfər avtoqəza keçirmiş şəxs daxil olub. Bunlardan PFL prezidenti Elxan Səmədov sağ baldırın üçdəbirində yerdəyişmiş qəlpəli açıq sınıq, qurumun vitse-prezidenti Aslan Şahgəldiyev fəqərə sınığı, Sənan Abdullayev hər iki ayaq pəncəsinin əzilməsi, Rasim Qafarlı sağ diz oynağının əzilməsi, Elgiz Abbasov sağ diz nahiyəsinin əzilməsi və sınığı, Zaur Hacı-Məhərrəmov isə burun nahiyəsində küt travma diaqnozu ilə xəstəxanamıza yerləşdirilib. Səmədovla Şahgəldiyevin tibbi vəziyyəti daha kritikdi. Hər ikisi hazırlıqlardan sonra əməliyyata alınacaq. Neyrocərrahiyyə, plastik cərrahiyyə və ortopediya-travmatologiya hakimlərinin hamısı komanda halında bu iki xəstə üzərində əməliyyat icra edəcək. Digərlərinə ilkin tibbi müdaxilələr olunub. Vəziyyətləri sabitdi. Onlar stasionara yatırılıb”.

"Gecə 02.30-da 6 nəfərlik mikroavtobus vasitəsilə Bakıdan Xankəndi istiqamətində yola düşdük. Zaur bəy qabaqda sürücüylə birlikdə, biz isə arxa tərəfdə 4 nəfərdən ibarət olmaqla üz-üzə əyləşmişdik. Elgiz Abbasov Aslan Şahgəldiyevin, mən isə Elxan Səmədovun qarşısında idim. Mürgüləyirdik, çünki yorğun idik. Birdən avtomobilə nəyinsə toxunduğunu hiss etdim. Bir saniyə belə keçməmiş bədbəxt hadisə yaşandı. Elxan bəyin əyləşdiyi oturacaq mənə çırpıldı. Hər şey darmadağın oldu. Əsas qapının pəncərəsi yaxın idi. Qurtula bilmək üçün nə qədər təpikləsəm də, xeyri olmadı. Sürücü artıq avtomobildən enə bilmişdi. Onun qapısından çıxmaq istəyimiz də baş tutmadı. Sonda qıraqdan səslər eşitdik. Çağırdıq ki, daşla pəncərələri sındırıb bizi xilas etsinlər. Çox sağ olsunlar, hər kəs yardıma yetişdi. Təcili Tibbi Yardım və Fövqəladə Hallar Nazirliyinin əməkdaşları dərhal hadisə yerinə yetişdi. Həmçinin Elgiz bəy bizim arxamızca gələn "Qarabağ" rəsmiləriylə əlaqə saxlayıb məlumat verdi və kömək istədi. Vaxtında Bərdə rayon Mərkəzi Xəstəxanasına çatdırıldıq. Tibbi biliyim çox deyil, lakin ilkin tibbi müdaxilənin çox yaxşı olduğu deyildi. Hər birinə çox təşəkkür edirəm. Başda AFFA-nın prezidenti Rövnəq Abdullayev olmaqla bütün rəhbərliyə, baş katib Sərxan Hacıyev, Gənclər və İdman naziri Fərid Qayıbov və AGİN-in idman şöbəsinin müdiri Elnur Məmmədov, "Qarabağ" rəsmiləri, Ağdam və Bərdə şəhər mərkəzi xəstəxanaları, Bərdə Diaqnostika mərkəzi, Yevlaxın təcili tibbi yardım, Fövhəladə Hallar Nazirliyi və nəhayət, "Liv Bona Dea" hospitalının əməkdaşlarına ümumiyyətlə, bizim avtomobildən xilas edildiyimiz andan indiyə qədər üzərimizdə əziyyəti olan hər bir şəxsdən Allah razı olsun. Ümid edirəm ki, bu sözlərimi oxuyub onlara necə minnətdar olduğumuzu öyrənəcəklər. Bu gün Elxan Səmədov və Aslan Şahgəldiyev həyatdadılarsa, bunu məhz onların sayəsindədi. Şükür Allaha, hər ikisinin sağlamlıq durumu yaxşıya doğru gedir".

"Bəlkə də normal idi, tam xatırlamıram. Məncə, daha yaxşı ola bilər. Çünki həmin yol çox işləkdi. Allah uzaq etsin, hər zaman hər şey baş verə bilir. Ümid edirəm ki, belə vacib əhəmiyyətli, yol qırağında ola xəstəxanalar daha yaxşı durumda olacaq".