Ponomaryov Ayaz Quliyevi hələ “Sabah”ın oyunçusu saymır
"Ximki"nin oyunçusu Ayaz Quliyev hazırda Bakıdadı.
Futbolçunun "Sabah"a keçidi gündəmdi. Hətta o, dünən keçirilən "Zirə" - "Sabah" oyununu izləyənlər sırasında idi. Xatırladaq ki, futbolçu ötən ay "Neftçi"nin düşərgəsində olsa da, "ağ-qaralar"la razılığa gələ bilməmişdi. Bəs Ayazın "bayquşlar"a keçidi reallaşıbmı? "Football-plus.az" saytı olaraq, bu sualı aydınlaşdırmaq üçün "Sabah"ın Müşahidə Şurasının üzvü və idman direktoru İqor Ponomaryovdan fikir öyrənməyə çalışdıq:
"Ayaz Qyliyev Azərbaycanda, hətta düşərgəmizdədi. Amma bu o anlama gəlməməlidi ki, Ayaz artıq "Sabah"ın futbolçusudu. Ümumiyyətlə, bu barədə hələ danışmağı doğru saymıram. Çünki hər şey yerinə oturmayıb. Yalnız məsələlər həll olunandan sonra bu barədə geniş danışmaq olar".
Futbolçunun yerli, yoxsa legioner statusunda oynayacağına isə klubun sözçüsü Elnur Həmidov aydınlıq gətirdi:
"Ayaz Quliyev Rusiya vətəndaşıdı və təbii ki, "Sabah"da legioner sayılacaq. Klubun gələcəkdə futbolçuya yerli futbolçu status alması birbaşa özündən asılıdı. Yəni Ayaz Azərbaycan pasportu almaq istəsə, biz buna şad olarıq və qısa zamanda üzərimizə düşəni həll edərik".
ABDULLA İSMAYILOĞLU
Digər xəbərlər
