Bu mövsüm öz oyunu ilə diqqət çəkməyi bacaran ''Sivasspor''un gənc və istedadlı üzvü Yunus Əmrə Konak böyük ehtimalla karyerasını İngiltərədə davam etdirəcək.

"Football-plus.az" xəbər verir ki, premyer-liqa təmsilçisi ''Brentford'' bu futbolçuya görə ''Sivasspor''a rəsmi təklif irəli sürüb.

''Atletik'' nəşri iddia edir ki, tərəflər arasında artıq anlaşma əldə olunub. Bu keçid ''Brentford''a 3,5 milyon avroya başa gələcək. Müqavilədə bonuslar da mövcuddu. Türkiyəli futbolçunun bu mövsümün sonuna qədər ''Brentford''un ikinci komandasında çıxış edəcəyi, yayda isə əsas komandaya keçəcəyi gözlənilir. 2006-cı il təvəllüdlü Konak ''Sivasspor''un öz yetirməsidi və bu mövsümdən əsas komandada çıxış edir.

Cari mövsüm o, superliqada 17 oyuna çıxıb və 1 məhsuldar ötürmə verib. ''Qardian'' nəşrinin dünya futbolunda ən yaxşı 2006-cı il təvəllüdlü futbolçuların siyahısında Yunus avqustda ilk ''60-lığ''a daxil edilmişdi. ''Sivasspor''un yeni baş məşqçisi Bülənt Uyğun isə Yunus Əmrə Konakı son 30 ildə gördüyü ən yaxşı türkiyəli futbolçu adlandırıb.

ƏLİ