Türkiyəli futbolsevərlərə gözəl tanış olan Jozef de Souza karyerasını yenidən Türkiyə çempionatında davam etdirəcək.

"Football-plus.az" xəbər verir ki, belə ki, təcrübəli braziliyalı yarımmüdafiəçi dünən ''İstanbul BŞ'' il 1,5 illik müqavilə imzalayıb. Keçidin maddi detalları barədə məlumat verilmir. Daha öncə ''Vasku de Qama'', ''Portu'', ''Qremio'' və ''San Paulu''da oynamış 34 yaşlı futbolçunun yolu Türkiyəyə ilk dəfə hələ 2015-də düşmüşdü. O, 2015-18-ci illərdə ''Fənərbaxça''da top qovduqdan sonra 2 illik ''Əl-Əhli'' macərası yaşayaraq yenidən Türkiyəyə qayıtmışdı. 2020-dən ''Beşiktaş''da çıxış edən Jozef İstanbul nəhəngindən ötən mövsümün qış fasiləsində ayrılmışdı. Onun son klubu Çin təmsilçisi ''Beytsin Qoyan'' idi.

''Sambaçı'' indiyə qədər Türkiyənin daxili turnirlərində 193 oyun keçirib və 22 qol vurub. Türkiyədə o, mümkün olan bütün titulları - çempionluq, kubok və superkobuku qazanıb. Hər 3 titulu ''Qartal''ın heyətində əldə edib.

ƏLİ