Medianın monitorinqi ilə məşğu olan aparıcı platforma – “Tagaday” Fransa mediasının başa çatmaqda olan ildə ən çox yer ayırdığı 1000 personanın reytinqini hazırlayıb.

Qeyd etmək vacibdi ki, siyahıya yalnız Beşinci respublikanın vətəndaşları salınmayıb. 2023-cü ildə Fransa mediasında ən populyar idmançı Kilian Mbappe olub. Fransa yığmasının kapitanının adını jurnalistlər 150 min dəfə çəkib!

“Football-plus.az” xəbər verir ki, PSJ-nin ulduzu Fransa mediasında yer almaq baxımından ümumi reytinqdə 4-cü yeri tutub. “Tagaday”ın hazırladığı reytinqin ilk “10-luğ”u belədi:

1. Emmanuel Makron
2. Elizabet Born (Fransanın baş naziri)
3. Jerald Darmanen (Fransanın daxili işlər naziri)
4. Kilian Mbappe
5. Co Bayden
6. Vladimir Putin
7. Vladimir Zelenski
8. Bryuno Le Mer (Fransanın iqtisadiyyat və maliyyə naziri)
9. Qabriel Attal (Fransanın milli təhsil və gənclərlə iş üzrə naziri)
10. Roma Papası Fransisk

Mbappe reytinqdə 13-cü yerdə qərarlaşan Lionel Messini, həmçinin 22-ci olan Neymarı qabaqlaya bilib. Kilian hətta məşqçisindən də öndədi. Parisə bu yay təşrif buyuran Luis Enrike Fransa mediasında ən çox yer alan personalar siyahısında artıq 15-ci pilləyə yüksələ bilib.

“Tagaday”ın ekspertləri reytinqi tərtib etmək üçün 410 telekanal və radiostanstansiyada gedən 5400-dən artıq xəbərlər proqramını təhlil edib. Araşdırma həmçinin 3 mindən artıq yazılı və onlayn nəşr əsasında aparılıb.

ORXAN