Lionel Messinin populyarlığı “İnter Mayami”ni maliyyə cəhətdən irəli salıb.

"Football-plus.az" xəbər verir ki, argentinalı hücumçunun forma satışı 2023-cü ildə bir çox Avropa klublarını bu planda üstələyib.

“Mirror” qəzetinin məlumatına görə, Messinin transferindən sonra “Adidas” ABŞ klubundan 500 min ədəd forma sifarişi alıb. Bu o deməkdi ki, ulduz futbolçunun futbolkaları Avropanın “Mançester Yunayted”, “Real”, “Bavariya” və “Arsenal” kimi aparıcı klublarının formalarından daha sürətli satılıb. Məlumatda həmçinin Messinin formalarının bu qədər populyar olduğu məlum olduqdan sonra klubun 3-cü formanı buraxmaq üçün xüsusi icazə aldığı da bildirilib. Buna görə də “Adidas” “Los Anceles” və “Los Anceles Qalaksi” ilə yanaşı, “İnter Mayami”nin də 3-cü formasını istehsal etməyi planlaşdırır.

Qeyd edək ki, Los Anceles klubları bu imtiyazı MLS-dən ötən mövsüm 100 mindən çox forma satdıqdan sonra alıblar.