Eldəniz Əzizli beşqat dünya çempionu oldu

Astanada keçirilən güləş üzrə dünya çempionatı davam edir.

"Football-plus.az" xəbər verir ki, yarışın ikinci günündə bir güləşçimiz qızıl medal qazanıb, digər idmançımız isə final görüşünə çıxacaq.

55 kq çəki dərəcəsində dünya çempionu Eldəniz Əzizli finalda iranlı Payam Əhmədiyə 3:1 hesabı ilə qalib gələrək beşqat dünya çempionu olub.

77 kq-da isə Sənan Süleymanov həlledici görüşdə Moldova təmsilçisi Aleksandrin Qutu ilə qarşılaşacaq.

Bundan başqa bu gün 3 yunan-Roma güləşçimiz mübarizəyə qoşulacaq.

72 kq çəki dərəcəsində Ülvi Qənizadə ilk mərhələdən azaddır. 97 kq-da Murad Əhmədiyev Cənubi Koreya təmsilçisi Çon Bin Kvonla, 130 kq-da isə Sərxan Məmmədov braziliyalı Gilyerme Evanjelista Diasla qarşılaşacaq.