“Əsas liqadan danışdığımız klublar var ki, bizimlə oynamaq istəyirlər. Bu barədə təkliflər var. Oyunların tarixi isə hələ müəyyənləşməyib. Yaxın müddətdə bu məsələyə aydınlıq gələcək. Təlim-məşq toplanışını ya Bakıda, ya da Şamaxıda keçirəcəyik. Doğrusu, biz Şamaxıda keçirilməsindən yanayıq. Çünki orda hər şəraitimiz var. Heyətdən giley-güzarım yoxdu. Klub rəhbərliyi sağ olsun. Bizimlə işləyən yoldaşlar var – Vüqar müəllim, Samir müəllim, onlar futbolçu yığıblar. Belə qənaətə gəlmişik ki, həmin yerli oyunçulardan bizə uyğun olan, əməkdaşlıq etmək istəyənlər ilə müqavilə imzalayaq. Həm hücum, həm yarımmüdafiə, həm də müdafiə xəttinə bir futbolçu cəlb etməyi planlayırıq. Bunun üçün şəraitimiz də, pulumuz da var. Birinci liqada 5-6 iddialı komanda var ki, biri də “Şamaxı”dı. Komandalar arasında rəqabətin olması gözəldi. Çalışırıq ki, bu liqada çempion olaq və elitaya yüksələk. Çünki orda iştirak etmək üçün hər cür şəraitimiz var”.

“Klub rəhbərliyi ilə ilk gündən çalışmışıq ki, yerli futbolçuların potensialını üzə çıxaraq. Legioner həmişə var. Bizim işimiz azərbaycanlı futbolçuları yetişdirməkdi”.