"Bildiyiniz kimi, ötən mövsüm Region Liqasında qarşımıza qoyduğumuz məqsəd final oynamaq və 1-ci liqaya çıxmaq idi. Ən azı 2-ci liqada çıxış etməyi haqq edirik. Ona görə aidiyyatı qurumlara yenidən müraciət etmişik. Gələn ay şikayətimizə baxılmalıdı. Sərxan müəllim şəxsən bizi qəbul etməlidi.

Bəli, 2-ci liqada çıxışımız rəsmləşsə, ev oyunlarımızı Şamaxı şəhər stadionunda keçirəcəyik. Ən böyük arzumuz işğaldan azad olunan Zəngilanımıza böyük futbolla qayıtmaqdı. Doğma yurdumuzda hələ yenidənqurma işləri davam etdiyindən Şamaxıda oynayacağıq.

Əksər stadionlar tutulduğundan bölgə klublarına və futbol məkanı olan rayonların aidiyyatı qurumlarına müraciət etdik. Sağ olsun "Şamaxı" rəhbərliyi, istəyimizə müsbət cavab verdi. Onlara dərin minnətdarlığımı bildirirəm".