Vitor Roke artıq İspaniyadadı.

"Football-plus.az" xəbər verir ki, “Atletiko Paranaense”nin oyunçusunun “Barselona”ya keçidi rəsmiləşib.

İspaniya və Braziliya klubları transferlə bağlı yayda razılığa gəlmişdilər. “Barselona”nın saytının xəbərinə görə, 18 yaşlı hücumçu ilə müddəti 2031-ci ilin iyununa qədər nəzərdə tutulan müqavilə imzalanıb. Kataloniya əyalətinin təmsilçisi transferini 40 milyon avroya reallaşdırdığı braziliyalı oyunçuya 500 milyon avro satış qiymət qoyub.

Roke son illər Braziliya futbolunun ən istedadlı yetirmələrindəndi. O, bu il “Atletiko Paranaense”nin heyətində bütün turnirlərdə 44 oyun keçirib, 21 qol vurub və 8 məhsuldar ötürmə verib.