“Barselona” heyətinə daha bir istedadlı oyunçu cəlb etməyi planlaşdırır. İspaniya nəhənginin hədəfinə Vitor Roke düşüb.

“Football-plus.az” xəbər verir ki, “Atletiko Paranaense”nin oyunçusunun qiyməti yaşına görə heç də az deyil. 18 yaşlı hücumçu kataloniyalılara 45 milyon avroya başa gələ bilər. “Goal” nəşrinin yazdığına görə, “Barselona” rəhbərliyi qarşı tərəfin bu tələbini yerinə yetirməyə hazırdı. Bu mənbə, İspaniya klubunun hətta Lionel Messi komandaya qayıdacağı halda belə transferi yayda reallaşdırmağa çalışacağını da qeyd edib.

Roke “Atletiko Paranaense”nin əsas komandasında Braziliya çempionatının 2022-ci il mövsümündən çıxış edir. Ötən mövsüm A seriyasında 29 oyuna 5 qol vuran hücumçunun cari mövsümdəki göstəriciləri uyğun olaraq 7-yə və 2-yə bərabərdi. Vitor ümumilikdə bu mövsüm bütün turnirlərdə meydana çıxdığı 17 matçda komandasına 7 qol və 3 məhsuldar ötürmə ilə faydalı olub.