“Barselona” rəhbərliyi “Bavariya”ya rədd cavabı verib.

"Football-plus.az" xəbər verir ki, Almaniya klubu Ronald Arauxoya görə konkret təkliflə çıxış edib. Lakin İspaniya nəhəngi futbolçusunu satmaq istəməyib.

Münhen təmsilçisi Arauxoya görə 100 milyon avro təklif edib. Lakin bu, “Barselona”nı qane etməyib. Klub rəhbərliyi Ronaldın komanda üçün faydalı futbolçu olduğunu düşünür.

Arauxo 2018-ci ildən “Barselona”da oynayır. O, bu mövsüm 17 matçda meydana çıxıb və 1 qol vurub. Uruqvaylı futbolçunun klubla müqaviləsinin müddəti 2026-cı ilin yayına qədərdi.