Roman Abramoviç məhkəmə işini uduzub.

"Football-plus.az" xəbər verir ki, “Çelsi”nin keçmiş sahibi Avropa İttifaqı sanksiyalarının ləğvi ilə bağlı məhkəmədə qaldırdığı iddianı uduzub. “Reuters”in yaydığı xəbərə görə, Rusiyanın Ukraynaya hərbi hücumu başlayandan sonra rusiyalı milyarderə qarşı sanksiyalar tətbiq edilib. İş adamı bununla bağlı Avropa İttifaqının Brüsseldəki məhkəməsinə müraciət etsə də, istəyi alınmayıb.

Xatırladaq ki, sanksiyalara məruz qalan Abramoviç 2022-ci ildə “Çelsi”ni satmalı olmuşdu. London klubu amerikalı sahibkar Todd Boeli tərəfindən 4,82 milyard avroya alınıb. Onda razılaşmadan əldə edilən 2,6 milyard avronun Ukrayna üçün humanitar yardım məqsədi ilə xərclənməli olduğu açıqlanmışdı.