"Çelsi"nin sahibi Roman Abramoviç London klubunu satmaq üçün əlavə 500 milyon funt sterlinq tələb edib.

Funksioner üç potensial alıcı arasından son seçimi etmək məqsədilə əlavə məbləğ ödənilməsini istəyib.Rusiyalı iş adamı bu yolla London təmsilçisini 2,5 milyard funt sterlinqə satmağı planlaşdırır. Bunun 1 milyardı xeyriyyə işlərinə, qalan 1,5 milyardı isə stadionun, akademiyanın və qadınlardan ibarət komandanın inkişafına sərf olunacaq. "Çelsi"ni almaq üçün müraciət edənlər arasında "Mercesdes"də çıxış edən "Formula-1" pilotu Lüis Hemilton və məşhur tennisçi Serena Uilyamsın daxil olduğu konsorsium, ABŞ-ın "Los-Anceles Docers" beysbol klubunun sahiblərindən Todd Boeli, İtaliyanın "Atalanta" futbol klubunun və MBA-da çıxış edən "Boston Seltiks" komandasının sahibi Stiven Palyuka da var. Qeyd edək ki, Britaniya hakimiyyəti Rusiyanın Ukraynaya hərbi müdaxiləsindən sonra Roman Abramoviçin, o cümlədən klubunun aktivlərini bloklayıb.