“Çox şükür, indiyə qədər çıxdığımız oyunlarda qalib gəldik. Oynadığımız klubların hamısı İstanbul A liqası komandalarıdı. Hər biri Türkiyə çempionatında oynaya biləcək potensialdadı. Komandamız çox yaxşıdı. Yavaş-yavaş daha da güclənirik. Seçdiyimiz yerli oyunçular bir ildi bizimlə olduqları üçün burdakı U-16 oyun sisteminə görə yetişdirildi. Buna görə uğurlar gəlməyə başladı. İstanbul liqası hardasa hər gün yarışları olan, sıx hazırlaşan liqadı. Qarşılarında bizim kimi güclü rəqib gözləmirdilər. Çox məşq etdik, hazır olduq. Onlar da yaxşı komandalardı. Amma bizim qızlar əlindən gələn hər şeyi etdi və qazanan tərəf biz olduq. Hələ ki yeni başlamışıq, gediləcək çox yolumuz var. Avropa çempionatına hazırlaşacağıq. Bunun üçün ortalama 7 ay vaxtımız var. Bu zaman ərzində çox çalışıb, əskiklərimizi görüb onları tamamlayacağıq. U-18 millimizdə çox güclü basketbolçular var. Əslində 17 yaşındadılar, buna baxmayaraq, AÇ-də iştirak edəcəklər. Çox güclü, özəl oyunçularımız var. Əminəm ki, gələcəkdə millinin üzvü olduqları zaman bizə qələbələr bəxş edəcəklər”.