FİFA 2023-cü ilin ən yaxşı oyunçusu adına namizədlərin yekun siyahısını açıqlayıb.

"Football-plus.az" xəbər verir ki, bu barədə ali futbol qurumunun saytı məlumat yayıb.

İlin ən yaxşı futbolçusu üçün nəzərdə tutulan “The Best” mükafatı Lionel Messi (“İnter Mayami”, Argentina), Kilian Mbappe (PSJ, Fransa) və ya Erlinq Holanna (“Mançester Siti”, Norveç) çatacaq. Qeyd edək ki, artıq FİFA-nın milli komandaların baş məşqçiləri və kapitanlar, həmçinin media nümayəndələri arasında təşkil etdiyi sorğu sona çatıb və adları çəkilən futboçular ilk üç yeri tutublar. Sıralamanın necə olduğuna isə gələn il yanvarın 15-də Londonda keçiriləcək mərasimdə aydınlıq gələcək.

FİFA sona çatmaqda olan ilin ən yaxşı qapıçısı adına son üç namizədin də adını açıqlayıb. Qurumun rəsmi saytının yaydığı məlumata görə, mükafata Yassin Bunu (“Əl-Hilal”, Mərakeş), Tibo Kurtua (“Real”, Belçika) və Ederson (“Mançester Siti”, Braziliya) namizəddi. Bu nominasiyanın qalibi də Londonda keçiriləcək mərasimdə elan ediləcək. Xatırladaq ki, ötən il ən yaxşı qapıçı adını “Aston Villa”nın və Argentina yığmasının oyunçusu Emiliano Martines qazanmışdı.