“Araz-Naxçıvan” Numin Kurdiçin avtoqoluna aydınlıq gətirdi – O, xaindi?
Numan Kurdiç “Araz-Naxçıvan”ın tarixinə Milli premyer-liqasında avtoqol müəllifi olan ilk futbolçu kimi düşdü.
Kapitan “Səbail”lə matçda topu öz qapısından keçirdi, bu isə qarşılaşmanın heç-heçə bitməsinə səbəb oldu. Halbuki naxçıvanlılar 90+3-cü dəqiqəyə qədər irəlidə idi. Bu olay həm sosial şəbəkələrdə, həm də mediada geniş müzakirələrə yol açdı.
İndi çoxu bosniyalı futbolçuya “xain” damğası vurub. Kapitanın qəsdən öz qapısına qol vurduğunu düşünənlər çoxdu. Bununla bağlı Kurdiçlə danışmaq istəsək də, mümkün olmadı. “Araz-Naxçıvan”ın mətbuat xidmətinin rəhbəri Mahal Məmmədov da futbolçunun danışmaq istəmədiyini bildirdi. Əlavə etdi ki, bosniyalı başverənlərə görə ağır sarsıntı keçirir:
“Bütün oyunlarda olduğu kimi, “Səbail”lə qarşılaşmada da məqsəd qələbə idi. Talesizlikdən son anda avtoqolla üzləşdik. Kurdiç hələ də özünə gələ bilmir. Matç bitən kimi bütün komanda yoldaşlarından və məşqçi heyətindən üzr istədi. Epizodu dəfələrlə izləmişik. Aydın olur ki, futbolçu bunu qəsdən etməyib. Əksinə, topu qapıdan uzaqlaşdırmaq istəyərkən belə hadisə yaşanıb. Oyunçumuza inanırıq. O, dəfələrlə peşmanlığınə dilə gətirib”.
Yeri gəlmişkən, Mahal bəydən Tural Bayramlı ilə Vadim Abdullayevin komandadan qovulacağıyla bağlı yayılan xəbərlərin səhihliyini də öyrəndik:
“Mediada yazılan haqsız xəbərlərlə də tanışıq. Heç biri reallığı əks etdirmir. Hələ ki qış fasiləsində hansı futbolçularla yolları ayıracağım haqda müzakirə olmayıb. 2-ci dövrənin bitməsinə 3 tur var. Qarşıdakı günlərdə bu məsələlər ətrafında fikir mübadiləsi aparılacaq. Kiminsə qovulmasından söhbət gedə bilməz”.
KƏNAN BAHADIR
Digər xəbərlər
