Bu gün futzal üzrə yüksək liqada 10-cu tura start verilir. Matçlar ənənəvi olaraq bir gün ərzində keçiriləcək. Beləliklə, 2-ci dövrəyə yekun vurulacaq, yəni komandalar qış fasiləsinə yollanacaq.

"Football-plus.az" xəbər verir ki, ilk oyunda “Baku Fire” “Record club”la qarşılaşacaq. Bu görüşün nəticəsi xüsusilə nominal meydan sahibləri üçün çox vacibdi. Çünki turnir cədvəlinin ilk pillələri arasında xal fərqinin artması onlar ağır nəticələrə səbəb ola bilər. Bu üzdən Teymur Eyvazovun kollektivi matça yetərincə ciddi yanaşacaq. “Record club” isə 5-ci pillədə möhkəmlənib. Əlbəttə, mövsümsonu hədəflər üçün tələsmək lazımdı. Lakin iddialı rəqiblə oyunda buna nail olmaq asan olmayacaq. İkinci matçda “Neftçi” İK “Yasamal Bakı”nı qəbul edəcək. Ümumi mənzərəyə əsasən Hacıbala Abdullazadənin yetirmələri “Araz-Naxçıvan”a meydan oxuyur. Bunu nəzərə alsaq, kollektiv yasamallılara güzəşt etməməlidi. Nominal qonaqların durumu isə sabitdi. Onlar 4-cü sırada yerini rahatlayıb. Daha bir pillə yüksəlmək hədəfindən isə uzaqdadılar. Komanda mövsümboyu qapıçı səriştəsizliyindən əziyyət çəkdiyi üçün sınaqlarda çox “qan itirdi”. Məhz bu pilləni itirməmək uğrunda mübarizədən başqa çarə qalmayıb. Nəhayət, tura “Araz-Naxçıvan” - U-19 görüşüylə yekun vurulacaq. Lider ən yaxın rəqibini, yəni “Neftçi” İK-nı 2 xal qabaqlayır. Muxtar Respublika təmsilçisi üçün bu matçda qələbə çox vacibdi. Yığmanın biabırçı vəziyyətindən isə xəbərdarsız. Baş məşqçi İlqar Aslanov onsuz da nəticə qazanılmayacağıyla barışıb. Yeniyetmələr meydana, sadəcə, təcrübə qazanmaq üçün çıxır…

Baku Fire – Record club
7 dekabr. Olimpik Star. Saat 13.00.

Neftçi İK – Yasamal Bakı
7 dekabr. Olimpik Star. Saat 15.00.

Araz-Naxçıvan – U-19
7 dekabr. Olimpik Star. Saat 17.00.

Xal durumu: Araz-Naxçıvan – 12, Neftçi İK – 20, Baku Fire – 18, Yasamal Bakı – 8, Record club – 4, U-19 – 3.
Bombardirlər: Rüstəm Bağırov (Yasamal Bakı), Reza Abgoun (Neftçi İK), Kənan Manafov (Baku Fire) – 18.

KƏNAN BAHADIR