''Yuventus''un əfsanəsi sayılan və hazırda karyerasını İtaliyanın B seriyasında çıxış edən ''Parma''da davam etdirən Canluici Buffon son açıqlamasında ''Qızıl top''la bağlı ədalətsizlikdən danışaraq bunları deyib:

''Qızıl top''u heç vaxt qazana bilmədiyimə görə məyusluq hissi yaşayırammı? Səsvermə zamanı heç də həmişə ədalət prinsipinə riayət olunmur. Məsələn, 2003-cü ildə mən ÇL-in ən yaxşı oyunçusu seçilmişdim. Bu, bir qapıçının nadir hallarda yaşayacağı bir durumdu. Amma həmin il ''Qızıl top'' uğrunda mübarizədə heç ilk ''5-liy''ə də düşə bilməmişdim. Mən mükafat dəlisi deyiləm. Amma idmanda haqq-ədalətin olmasının tərəfdarıyam. Məncə, ''Qızıl top''la bağlı ən böyük haqsızlıq Andres İnyestanın onu qazana bilməməsidi. Çünki o, karyerasının zirvə nöqtəsində Maradona, Messi və Kriştiano Ronaldo qədər güclü idi''. Qeyd edək ki, İnyesta bu mükafatı qazanmağa 2010-cu ildə çox yaxın olsa da, o dönəmdə komanda yoldaşı olan Messini özündən irəli buraxaraq ikinci pilləni tutmuşdu. 2 ildən sonra İnyesta səsvermədə üçüncü olmuşdu.