“Meydanda bir-birimizi daha yaxşı başa düşməyi öyrənməliyik” – qələbəyə həsrət məşqçi
Bu mövsüm qələbəyə həsrət olan "Şəki" basketbol üzrə ölkə çempionatının 6-cı turunda səfərdə "Sumqayıt"a da uduzdu - 81:96 (18:31, 21:21, 23:23, 19:21).
Komandanın baş məşqçisi Aleksander Uco bu oyunla bağlı “Football-plus.az”a danışdı:
"40 dəqiqə ərzində həm hücumda, həm də müdafiədə birgə oyun üzərində işləməyə davam etməliyik. Yalnız 20 və ya 30 dəqiqə yox. Meydanda bir-birimizi daha yaxşı başa düşməyi öyrənməliyik. Bunu edəcəyimiz halda problemləri həll edə bilərik. Komandama inanıram. Uğurlu nəticələr əldə etmək üçün hər şey mümkündü. Əminəm ki, "Şəki" daha yaxşı olacaq".
CAVİD ƏLİYEV
