"Stadionda siqaret çəkmək rəsmi şəkildə qadağandı. Təbii ki, polisin gözündən qaçmaqla çəkənlər olur. Amma ümumi götürəndə belə hal olanda polis yaxınlaşıb bunu aradan qaldırır. Media lojasına gəlincə, belə hallarla, təəssüf ki, tez-tez rastlaşırıq. Ora tribuna ilə çox sıx olduğu üçün çox vaxt azarkeşlər gəlib orda oturur. Bundan başqa, bəzən jurnalist həmkarlarımız da özüylə tanışlarını gətirərək orda əyləşdirirlər. Düşünürəm ki, əsas stadiona köçəndən sonra bu hallar aradan qaldırılacaq. "Cips" paketlərinə gəlincə, bilirsiz ki, stadionumuz dəniz kənarına yaxın yerdə yerləşdiyindən küləkli olur. Məhz küləkli hava şəraiti "cips" paketlərini meydana gətirib çıxarmışdı. Topdaşıyanımızın meydana daxil olaraq paketləri yığması isə birbaşa yan xətt hakiminin göstərişiylə olub".