Qəzetimizin az qala hər sayında müasir MBA-nın ən parlaq ulduzlarından Lebron Ceymsin çıxışına bu və ya başqa şəkildə toxunuruq.

“Football-plus.az” xəbər verir ki, “Leykers”in əfsanəvi forvardı MBA-da oyun dəqiqələrinin sayına görə rekord müəyyənləşdirib. İndi onun hesabında pley-off oyunları da nəzərə alınmaqla 66319 dəqiqə var. Lebron karyerası boyunca parket üzərində 66297 dəqiqə keçirən “Los-Anceles”in əfsanəvi mərkəz oyunçusu Kərim Əbdül-Cabbarı arxada qoyub. Fəaliyyətdə olan oyunçular arasında onlara ən yaxın pillələrdə “Qolden Steyt”in oyun qurucusu Kris Pol (26-cı yer və 47705 dəqiqə), “Finiks”in forvardı Kevin Dürant (40-cı yer və 43460 dəqiqə) və “Klippers”in oyun qurucusu Rassell Uestbruk (49-cu yer və 42328 dəqiqə) qərarlaşıb.

Amma Lebronun qanını qaraldan məqam da var. Belə ki, o, srağagün karyerasındakı ən böyükhesablı məğlubiyyətlə üzləşib. “Leykers” müntəzəm çempionatın oyununda “Filadelfiya 76”ya biabırçı hesabla (94:138), 44 xal fərqi ilə uduzub. Lebronun karyerasındakı ən pis nəticə 2019-cu ildə “İndiana”dan alınan 42 xal fərqli məğlubiyyət idi. Yeri gəlmişkən, “Leykers” “Filadelfiya 76”ya ardıcıl 7-ci oyunda uduzub.

28 noyabr
Detroyt – Vaşinqton 107:126 (27:31, 27:26, 29:37, 24:32)
İndiana – Portlend 110:114 (34:30, 26:35, 23:18, 27:31)
Filadelfiya 76 – Leykers 138:94 (32:19, 36:34, 30:27, 40:14)
Yuta – Nyu-Orlean 114:112 (32:24, 25:31, 31:33, 26:24)
Klippers – Denver 104:113 (28:25, 28:33, 32:19, 16:36)
29 noyabr
Boston – Çikaqo 124:97 (31:20, 38:30, 28:18, 27:29)
Bruklin – Toronto 115:103 (22:21, 30:23, 24:31, 39:28)
Klivlend – Atlanta 128:105 (29:33, 35:28, 38:29, 26:15)
Mayami – Miluoki 124:131 (22:31, 40:28, 35:34, 27:38)
Nyu-York – Şarlott 115:91 (29:16, 24:28, 27:22, 35:25)
Minnesota – Oklahoma-Siti 106:103 (19:29, 34:32, 23:17, 30:25)
Dallas – Hyuston 121:115 (29:22, 25:28, 30:38, 37:27)
Sakramento – Qolden Steyt 124:123 (29:37, 26:35, 40:32, 29:19)