MBA-nın ən koloritli simalarından olan “Leykers”in forvardı Lebron Ceyms “Miluoki” ilə oyundakı 11 məhsuldar ötürmə sayəsində belə ötürmələrinin sayını 10144-ə çatdırmaqla MBA tarixində 6-cı yerə yüksəldi.

Football-plus.az xəbər verir ki, 37 yaşlı ulduz bu göstəricidə “Leykers”in əfsanəvi oyun qurucusu Mecik Consonu (10141) arxada qoydu. Amma Mecik bu uğura 906 oyunda nail olubsa, Lebron 1381 oyuna çıxıb. Ötürmə sayına görə MBA rekordçularının ilk “5-liy”i belədi: Con Stokton (15806), Ceyson Kidd (12091), Kris Pol (11071), Stiv Neş (10355), Mark Cekson (10334).

Ceyms tezliklə 30 və daha artıq xal topladığı oyunların sayına görə “Miluoki” və “Leykers”in əfsanəvi mərkəz oyunçusu Uilt Çemberleyni də arxada qoyacaq. Hazırda Çemberleynin hesabında belə oyunların sayı 516-ya bərabərdi. Lebron isə artıq 515 oyunda 30 və daha artıq xal toplayıb.