"Sumqayıt" legionerini xəstəxanalıq edən Rahiddən şikayətçidi? - AÇIQLAMA
Dünən ölkə jubokunun 2-ci təsnifat mərhələsinin "Lerik" - "Sumqayıt" matçının (0:6) 23-cü dəqiqəsində "kimyaçılar"ın futbolçusu Kristian Velinovskinin ayağı sındı. Buna “Lerik”in oyunçusu Rahid Ağazadənin kobud qayda pozuntusu səbəb oldu. Nəticədə legioner xəstəxanalıq oldusa, Rahid qırmızı vərəqə aldı.
Mövzuyla bağlı "Sumqayıt"ın mətbuat xidmətinin rəhbəri Zaur Xudiyevdən məlumat aldıq. Onun "football-plus.az"a söylədikləri:
"Kristian bu gün əməliyyat olunacaq. Legionerimizin yaşıl meydanlardan kənarda qalacağı müddət bundan sonra dəqiq bilinəcək. İndi özünü yaxşı hiss edir. Ümid edirik ki, futbolçu karyerasına mənfi təsir edəcək hal yaşanmaz".
Klub rəsmisi hadisədən sonra başverənlərdən də danışdı:
"Rahid Velinovskini daşıyan təcili tibbi yardım avtomobilinin ardınca xəstəxanaya gəldi. Futbolçumuzun yanında oldu. Vəziyyətiylə maraqlandı və özünə dəstəyini ifadə etdi. Bizim rəqib oyunçudan şikayətimiz yoxdu. Yaşananlar ətrafında yekun qərarı AFFA İntizam Komitəsi verəcək".
KƏNAN BAHADIR
Digər xəbərlər
