"Sabah" - "Səbail" qarşılaşmasının 78-ci dəqiqəsində qonaqların kapitanı Rahid Əmirquliyev rəqib futbolçu Emmanuel Apehə qarşı kobudluğa görə 2-ci sarı vərəqə almaqla qovuldu.

Football-plus.az xəbər verir ki, millinin və "Qarabağ"ın sabiq futbolçusunu bu vaxta kimi meydandan qovulan görməmişdik. Görəsən, ilk dəfə belə halla üzləşir? Bunu dəqiqləşdirmək üçün Rahidlə əlaqə saxladıq:

"Azərbaycan çempionatı və kubokunda heç vaxt qırmızı vərəqə almamışam. Karyeramda cəmi bir dəfə, o da avrokuboklarda "Lex"ə qarşı oyunda olub. "Sabah"la qarşılaşmaya yaxşı başlamadıq. Erkən qollar buraxmaqla yanaşı, oyun planında da rəqibə uduzurduq. Bu da əsəblərimizi gərirdi. Fikrimcə, hakim ilk “sarı”nı verməyə də bilərdi. Amma Apehə qarşı epizodda həqiqətən “sürüşmə” fəndini yerinə yetirərkən kobud oynadım və referi haqlı vərəqə göstərdi".

ABDULLA İSMAYILOĞLU