"Qarabağ" Norveçin "Molde" klubu ilə keçirəcəyi Avropa Liqasının qrup mərhələsinin 5-ci turunun oyunu üçün səfərə yollanıb.

"Football-plus.az" xəbər verir ki, Ağdam təmsilçisi bir qədər əvvəl çarter reysi ilə Heydər Əliyev Beynəlxalq Hava Limanını tərk edib.

Yalnız qapıçı Amin Ramazanov zədə səbəbindən kollektivlə birgə səfər matçına yollanmır. Komanda Qurban Qurbanovun rəhbərliyi altında oyun günü son məşqini keçəcək.

Qeyd edək ki, sabah keçiriləcək "Molde" - "Qarabağ" görüşü Bakı vaxtı ilə saat 00.00-da başlayacaq. Hazırda hər iki komandanın hesabında 6 xal var.