“O, həm özünü, həm də bizi inkişaf etdirən mütəxəssis idi” – kapitan da təriflədi
Vüqar Əsgərli cümə günü "Şamaxı"nın baş məşqçisi vəzifəsindən ayrıldı.
Onun qəfil istefası gözlənilməz oldu. Bəs komandada bu haqda nə düşünürlər? "Football-plus.az" saytı olaraq, bununla bağlı komandanın kapitanı Emin Zamanovun fikirlərini öyrəndik:
"Vüqar Əsgərli nəzərimdə yaxşı insan və baş məşqçi kimi qalıb və qalacaq. O, həm özünü, həm də bizi inkişaf etdirən mütəxəssis idi. Vüqar müəllim meydanda baş məşqçimiz, futboldan kənarda isə dostumuz idi. Biz də onun məşqçilikdən əlavə dost, böyük qardaş kimi hörmətini saxlamışıq. Bunu nə qədər bacardığımızı bilmirəm, amma onun bizə qayğısına qarşılıq verməyə çalışmışıq. İnanıram ki, bundan sonra da Vüqar müəllim uğurlu baş məşqçi kimi iş başında olacaq".
ABDULLA İSMAYILOĞLU
Digər xəbərlər
