Gələn il 14 iyun – 14 iyul aralığında Almaniyada keçiriləcək Avropa çempionatının final mərhələsinə vəsiqə qazanan 21 komandanın orta yaş həddi bəlli olub.

Bilindiyi kimi, ev sahibi Almaniya seçmə mərhələdə iştirak etmədi. Bu statistika seçmə mərhələdə iştirak edən və ən azı 15 dəqiqə forma geyən futbolçular arasında aparılıb. Məlum olub ki, hədəfə çatan 20 komanda arasında Türkiyə 25,42 orta yaş həddi ilə ən gənc kollektivdi! Bu siyahıda sonrakı yeri Fransa (25,59), 3-cü pilləni Niderland (25,78) tutub.

Qitə birinciliyinə vəsiqə əldə etmiş ən yaşlı kollektiv isə Slovakiyadı (28,44). Türkiyə, Fransa və Niderlanddan sonrakı 11 yığmanın orta yaş həddi 26 səviyyəsindədi. Konkret desək, Rumıniya, Belçika, Çexiya, İspaniya, İngiltərə, Macarıstan, Avstriya, Albaniya, Danimarka, Serbiya və Sloveniyanın orta yaş həddi 26,03 ilə 26,96 arasında dəyişir. İtaliya, Portuqaliya, Şotlandiya, İsveçrə və Xorvatiyanın orta yaş həddi 27-dən yuxarıdı. 28-in üzərinə çıxan yeganə komanda isə Slovakiyadı.

Ümumilikdə bu 20 komandanın orta yaş həddi 26,7-di.