Vyetnamın “Duk Qianq” komandasında çıxış edən Polina Rəhimova bu ölkədə çıxışını başa vurub. 33 yaşlı milli üzvünün mübarizə apardığı kollektiv çempionatı gümüş medalla bitirib. Təcrübəli oyunçumuz liqanın ən yaxşı hücumçusu seçilib.

"Football-plus.az" olaraq, bununla bağlı Polina Rəhimovanın fikirlərini öyrəndik:

“Bəli, gümüş medalla çempionatı başa vurduq. Finalda 3:1 hesabıyla məğlub olduq. Liqanın ən yaxşı hücumçusu mükafatına da layiq görüldüm. Bu da adamı xoşbəxt edir. Gələcəyim barədə nəsə deyə bilmərəm. Bir neçə ölkədən təklif var. Bunları dəyərləndirəcəm”.

CAVİD ƏLİYEV