Polina Rəhimova Asiya klubuna keçir: "Milli komanda çox dəyişməyib"
Polina Rəhimova üç ildən sonra yenidən voleybol millimizə qayıdıb.
Bunu nəzərə alıb onun fikirlərini öyrəndik:
"Milli komanda çox dəyişməyib. Fikrimcə, yığmanın inkişafı üçün gənc voleybolçular yetişdirməliyik. Ölkədə voleybolu yaşatmaq istəyiriksə, planlarımızı yaxşı qurmalıyıq. Voleybol Azərbaycanda bir çox insanın izlədiyi ən böyük idman növlərindən biridi. Ona görə də gənclərə maraq göstərməliyik”.
33 yaşlı voleybolçu millinin gələn ay start götürəcək Avropa çempionatında çıxışı barədə də fikrini bildirdi:
"Ən yüksək nöqtəyə çatacağımızı gözləyirəm. Komandamız bunu edə bilər. Biz öncə qrupdan çıxmağa köklənmişik. Rəqiblər Almaniya, Türkiyə, İsveç, Çexiya və Yunanıstandı. Fikrimcə, ən çətin rəqib Türkiyədi. Onlar yaxında Millətlər Liqasının qalibi də olublar".
Türkiyə təmsilçisi "Kuzeyboru"da çıxış edən Polina Rəhimovanın karyerasını harda davam etdirəcəyinə də aydınlıq gəlib. Əldə etdiyimiz özəl məlumata görə, 33 yaşlı hücumçu Asiya klublarından birinə keçəcək. Yaxın günlərdə onun seçimi bəlli olacaq.
CAVİD ƏLİYEV
Digər xəbərlər
