"Düzünü desəm, oyuna müəyyən səbəblərdən baxa bilmədim. Amma erkən qollar vurmağımızdan göründü ki, bizdə futbolçu da var, futbol da. Sadəcə, De Byazi kimi bərbad məşqçi millini bu vəziyyətə saldı. Düşünürəm ki, İsveç üzərində qələbə qazanmağımızda italiyalı mütəxəssisin əməyi yoxdu. Uşaqlar döyüşdülər və zəhmətlərinin hesabına xal aldılar. Yenə də sözümün üstündə dururam ki, De Byazi getməlidi".

"Qələbə yaxşı idi. Millimizi təbrik edirəm. İsveçə evdə qalib gəldik, hesabımıza 3 xal gətirdik, bəs sonra noldu? Yenə gedib lazımsız matçlarda xalları qazanacağıq, De Byazi də yığmada qalacaq. Ötən il də belə olmuşdu. Heç kimə lazım olmayan görüşlərdə qalib gəldik, ancaq qrupdan çıxa bilmədik. Bu seçmə mərhələnin ilk oyunlarında da gördüz ki, qapımıza 4-5 top vurdular. İnanın ki, "De Byazi getsin" fikrindən heç vaxt dönməyəcəm. Bəlkə də saxlasalar, uğur qazana bilər. Amma bu, mənim şəxsi fikrimdi ki, indiki dönəmdə milliyə yerli mütəxəssis lazımdı".