“Ən azı yaxşı oynamalıyıq ki, gələcək üçün potensialımızın olub-olmadığını bilək. Xal alsaq, nə dəyişəcək ki?! Heç nə dəyişməyəcək. İndiyə kimi yığmanın baş məşqçisi kimi yalnız Robert Prosneçki ən çox xal yığıb. Məncə, gözəl oyun göstərməliyik. Başqa heç nə lazım deyil. De Byazi məsələsinə gəlincə, bundan sonra iki görüşdə qalib gəlsək belə, italiyalı çalışdırıcının Azərbaycanda qalması ilə razılaşmayacam. Nəticələrdən asılı olmayaraq, onunla yollar ayrılmalıdı”.

“Mənim De Byazinin millisindən heç bir gözləntim olmayıb. Daha doğrusu, yığmada yaxşı oyunçular var, sadəcə, nəticə əldə edə bilmirik. İsveçlə oyunda əzmkarlıq, müəyyyən oyunçularımızın fərdi ustalığı sayəsində xal və ya xallar ala bilərik. Evdə oynayırıq, üstünlük bizdədi. İsveçin də şansı yoxdu. Mən üç il əvvəl De Byazinin yığmadakı heyət seçiminə, oynatdığı bir neçə görüşə baxandan sonra hiss elədim ki, artıq onun məşqçi karyerası bitib. Təəssüf ki, italiyalının bəzi təsadüfü nəticələri federasiyada işləyənlərin başını gicəlləndirdi. Onlar De Byazinin böyük məşqçi olduğunu və yığmamızla qalib gəldiyi oyunların sürpriz olmadığını düşündülər. Amma mənə görə, onun məşqçilik dönəmi artıq çoxdan bitib. Oyun zamanı nəyəsə müdaxilə etmək bacarığını görmədim”.