"Fanklub olaraq, komandanın oyunundan razıyıq, nəticələrdən narazıyıq. "Qəbələ" avrokubokların qruplarında oynayan komandadı, indiki vəziyyəti haqq etmir. Futbolçuların meydanda kreativ oyun sərgiləməsi üçün hər cür şərait yaradılıb. Maaşları, mükafatları, yaşam şərtləri yerindədi. "Zirə" ilə səfər oyunundakı məğlubiyyət səbr kasamızı daşırdı. Ona görə də kapitan Adif Məmmədovu yanımıza çağırıb etirazımızı bildirdik. Amma Asifin çıxışıyla bağlı narazılığımız yoxdu. Onu da xüsusi qeyd edim ki, baş məşqçi Elmar Baxşıyevlə də heç bir problemimiz yoxdu, səhv futbolçulardadı. Əsas da hücum xəttində olan futbolçular performansından aşağı çıxış edir. Osama Xalaylanın çıxışından tam narazıyıq. Onun yerinə Ülvi İsgəndərovun oynadılmasının daha faydalı olduğu qənaətindəyik. Hazırkı duruma çox da tolerant yanaşası deyilik. Fanklubun iclasını keçirəcəyik, klubla da danışığımız olacaq. İstənilən halda hələlik "Qəbələ"ni boykot etmək və mənfiyə kökləndirəcək şüarlar səsləndirməyəcəyik. Komandamıza qarşıdakı oyunlarda da dəstək verəcəyik. Qışda komandanın güclənməyə ehtiyacı var. Əsas da hücum xəttində. İnanmaq istəyirik ki, son tənqidlərimizdən futbolçular nəticə çıxaracaq".