“Qəbələ” azarkeşləri “Zirə”ni təhqir edib? - AÇIQLAMA
Premyer-liqanın 19-cu turunda “Qəbələ” ilə “Zirə” arasında iki gün oyun keçirilsə də, qol vurulmadı.
Lakin meydan sahiblərinin azarkeşləri qarın yağmasına baxmayaraq, görüşə hazırlıqlı gəlmişdi. “Red Black Army” maraqlı pankart hazırlamışdı:
“Qarğa olsun, qartal olsun, baxmarıq göz yaşına. Yol gəlmisən, yorulmusan, otur dağımın başına!”
Görəsən, belə kreativ ideyanın müəllifi kimdi? Bədii cümlələri oxuyanda ağla başqa fikirlər gəlir. “Qəbələ” azarkeşləri bu pankart vasitəsilə rəqibi təhqir edir? Sualımızı “Red Black Army”nin üzvü Nəriman Mahmudzadə belə cavabladı:
“Əvvəlcə onu deyim ki, pankartda olan söz nə rəqibin azarkeş qrupuna, nə də hansısa futbolçunun şəxsiyyətinə aiddi. Bizim üçün tək ideologiya “Qəbələ”di. Öz komandamızdan başqa hamıya düşmən gözü ilə baxırıq. Təbii ki, futbol etikası çərçivəsində. Qısaca onu söyləyə bilərəm ki, nəsə demək istəyiriksə, birbaşa komandanın ünvanına səsləndiririk. Futbolçuların şəxsiyyəti və ya azarkeşlər bura aid deyil. Bu barədə bizə yazan çox oldu. Hamısına da cavabımızı verdik. Yazmışıq, əcəb etmişik. Sözümüzün arxasındayıq. Biz futbola rəqabət qatırıq. Bu idmanı gözəlləşdirən belə addımlardı”.
Digər xəbərlər
