Dünən Çempionlar Liqasının qrup mərhələsinin 4-cü turu çərçivəsində Münhendə əzəmətli ''Bavariya''nın qonağı olan ''Qalatasaray'' nə qədər çalışsa da xal qazana bilmədi.

“Football-plus.az” xəbər verir ki, İstanbul nəhənginin 1:2 hesabı ilə uduzduğu matçın ən diqqətçəkən isimlərindən biri də Okan Buruk oldu. ''Cim-Bom''un çalışdırıcısı matçboyu çox həyəcanlı göründü. Təsadüfi deyil ki, rejissyorlar oyunboyu dəfələrlə onun hərəkətlərini göstərirdilər. Burukun hakimlərə etirazı həm oyunun gedişində, həm də oyundan sonra davam etdi. Hakimlik karyerasında ilk dəfə ÇL matçına təyinat alan portuqaliyalı Antonio Nobre ikinci yarının əvvəllərində Alfonso Devisə Barış Alpər Yılmaza qarşı kobudluğa görə ikinci sarı vərəqə göstərə bilərdi. Amma buna cürəti çatmadı. Bu epizoddakı etirazına görə Buruk sarı vərəqə aldı. Çox keçmədən qonaqların vurduğu qol zamanı yarıavtomatik ofsayd sistemi ilə İkardinin oyundankənar vəziyyətdə olduğu müəyyənləşdirildi. Oyunun son anlarında türkiyəli mütəxəssis ilə bağlı yenə diqqət çəkən olay yaşandı. Onun hakimi təhqir etməsi və bir neçə dəfə ''fahişə balası portuqaliyalı'' deməsi canlı yayında açıq aydın eşidildi!

''Qalatasaray''ın Bakambu ilə vurduğu təsəlli qolundan sonra isə Burukun istehza ilə 4-cü hakimə ''ofsayd ver fahişə balası'' bağırması da canlı yayında həm göründü, həm də eşidildi. 50 yaşlı mütəxəssis oyundan sonra keçirilən mətbuat konfransında təbii ki, hakimdən narazılığını dilə gətirdi. O, hakimin iki dəfə nəticəyə təsir edən səhvə yol verdiyini bildirdi
Amma komandasının məğlubiyyətini sırf bu amillə əlaqələndirmədi.

ƏLİ