“Xaricə çıxmağım baxımından heç bir maneə yoxdu və...” - Nurlan İbrahimov ermənilərə cavab verdi
44 günlük müharibədə biabırçı məğlubiyyətlə üzləşən Ermənistanın İstintaq Komitəsi Azərbaycanın hərbi-siyasi və ordu rəhbərliyinin 20 nümayəndəsinə qarşı cinayət işi açıb.
Bundan başqa, Ermənistan Azərbaycana qarşı Avropa İnsan Hüquqları Məhkəməsində və Beynəlxalq Ədalət Məhkəməsində iddia qaldırıb. Belə ki, “Qarabağ”ın mətbuat xidmətinin sabiq rəhbəri Nurlan İbrahimova qarşı da cinayət işi başlanıb. Bu məsələ ilə bağlı Nurlan bəylə əlaqə saxladıq. Onun "Football-plus.az" saytına dedikləri:
"Əslində bu xəbər köhnədi. Ermənistanın hansısa saytı bu məlumatı yayıb. Belə xəbər olsaydı, başqa adamların da adı çəkilərdi. Xaricə çıxmağım baxımından heç bir maneə yoxdu və ola da bilməz. Hətta bir neçə dəfə ölkəni tərk etmişəm. Ümid edirəm ki, bu söhbətlər bitər. Mən qarışıq başqa azərbaycanlı vətəndaşlar haqda belə iddianın olması davamlı şəkildə suyun bulanmasına xidmət edir. Çünki bütün hadisələr göstərdi ki, Azərbaycan düzgün qaydada hərəkət edib. Məncə, bu iddialar da əsassızdı".
Qeyd edək ki, Nurlan İbrahimov Ermənistanın Gəncədə və Bərdədə dinc sakinləri bombalamasından sonra sosial şəbəkədə emosional status yazmış və daha sonra onu silmişdi. Əlavə edək ki, məhz həmin statusa görə İbrahimov futboldan ömürlük uzaqlaşdırılıb.
CAVİD ƏLİYEV
Digər xəbərlər
