"Futbolun acı reallıqlarından biri də qara zolağın olmasıdı" - YUNİS HÜSEYNOV
Yeni “futbol ili”ndə "Sabah"la "Qəbələ uğursuz çıxış edir.
"Football-plus.az" xəbər verir ki, ötən mövsüm vitse-çempion olan "bayquşlar"ın və ölkə kubokunun son qalibinin indiki durumu tənqidlərə əsas verib.
Murad Musayevlə Elmar Baxşıyevin artıq missiyasını tamamladığını deyənlər də var. Həqiqətən bu iki mütəxəssis komandasından ayrılmalıdı? Bu suala Yunis Hüseynova ünvanladıq. Təcrübəli mütəxəssisin fikirləri belə oldu:
"Ümumiyyətlə, baş məşqçinin yola salınıb-salınmaması klub rəhbərlərinin işidi. Mənim bu yöndə nəsə deməyim düz çıxmaz. Amma hər ikisini yaxşı mütəxəssis sayıram. İnanmıram ki, hansısa baş məşqçi uğursuzluğun davam etməsindən xoşlansın. Futbolun acı reallıqlarından biri də qara zolağın olmasıdı. Hər bir komanda, baş məşqçi və futbolçular bu zolağa düşür. Amma qarşıda hələ çox oyun var. İnanıram ki, hər iki məşqçi uğur qazanacaq. Nəzərə alsaq ki, qarşıda qış fasiləsi var, onda komandaların gücləndiyini də görəcəyik. Hesab edirəm ki, "Qəbələ" ilə "Sabah" qış fasiləsindən maksimum yararlanacaq".
ABDULLA İSMAYILOĞLU
Digər xəbərlər
