"Murad Musayevi yaxından tanımıram. Ona görə də rusiyalı mütəxəssisin xarakteri və çılğınlığı barədə konkret nəsə deyə bilmərəm. Amma bir məqam bəllidi ki, "Krasnodar"ın “sükanı arxasında” olanda da çılğınlığı, coşqunluğu və əsəbiliyi ilə diqqəti çəkib. İnsanlar müxtəlif xarakterə malik olduğu kimi, məşqçilər də rəngarəngdu. Yəni hər məşqçi oyun zamanı qazandığı nəticələrə, yenilgilərə, futbolçuların çıxışına bir cür münasibət sərgiləyir. Elə məşqçi var ki, sadalananlara soyuqqanlı, təmkinli yanaşır, eləsi də var ki, çılğın, emosional, coşqulu reaksiya verir. Bu heç də o demək deyil ki, ikincilər pis məşqçi və ya pis insandı. Bir çox hallarda məşqçilərin çılğın-coşqulu olmalarının başlıca səbəbi qələbə, zirvələri fəth etmək həvəsindən dolayıdı. Mən deyə bilmərəm ki, Murad Musayevdə çılğınlıq və emosionallıq nədən son həddədi. Amma bu onu pis məşqçi etmir".